KUBOTA BF3255 Rúlluvél

KUBOTA BF3255 rúlluvélin er hagkvæmur og góður kostur fyrir þá sem vilja einfalda og góða rúlluvél sem skilar vel löguðum og þéttum rúllum.

Hún er búin afkastamikilli 2,2 m sópvindu með 5 tindaröðum. Hægt er að velja milli mötunarvals eingöngu, eða mötunarvals með söxun og þá stendur valið um 14 eða 25 hnífa söxun.

Söxunarhnífarnir eru búnir gormaútslætti og mötunarbúnaðurinn er svo með drop floor stíflulosunarbúnað. Hnífabakkanum er þá slakað niður með glussatjakki sem eykur rýmið inn í baggahólfið og losar þar með stífluna. KUBOTA stíflulosunarbúnaðurinn er frábrugðinn flestum öðrum að því leyti að hann sígur niður bæði að framan og aftan þ.a. rýmið verður enn meira og meiri líkur til þess að stíflan losni á áreynslulausan hátt.

KUBOTA rúlluvélarnar eru búnar PowerBind netbindibúnaðinum. Netið er sett á rúlluna með armi sem skýtur því inn í baggahólfið í stað gúmmívalsa. Það tryggir örugga og góða netbindingu og minnkar líkurnar á að netið vefjist upp

Kefli baggahólfsins eru 17 talsins og hvíla á öflugum smyrjanlegum legum. Þau eru drifin áfram af 1 1/4prósent33 drifkeðjum sem smurðar eru af sjálfvirku smurkerfi. Baggahólfið sjálft er

1,20 * 1,25 m á stærð og hægt er að stilla þjöppun þess eftir aðstæðum hverju sinni.

FOCUS stjórntölvan er einföld og þægileg í notkun. Stór skjárinn birtir helstu upplýsingar sem þörf er á hverju sinni.